主復活了！Christ the King Supplies仝人祝各位復活節快樂！
係今日彌撒當中，係福音前會有復活節讚歌。 讚歌其實屬於「繼抒詠」(sequentia)，係《羅馬彌撒經書總論》第64條係咁講：「除復活節及五旬節（聖神降臨主日）的「繼抒詠」(sequentia) 外，其他繼抒詠，可自由選擇念或不念。繼抒詠在「阿肋路亞」前詠唱。」
其實繼抒詠嘅歷史非常悠久，由公元十世紀就開始有，高峰時期有成五千首咁多，去到禮儀改革前只有五首唔同節日嘅繼抒詠，即Victimae Paschali Laudes(復活節)、Veni Sancte Spiritus(五旬節)、Lauda Sion Salvatorem(聖體聖血節)、Dies Irae(追思已亡)同埋Stabat Mater(痛苦聖母)。禮儀改革後就好似《羅馬彌撒經書總論》咁提到，而家只有復活節及五旬節嘅繼抒詠係必須。繼抒詠內容都係有關當日嘅節日，亦都係福音前嘅預備。 而今日復活節繼抒詠係Victimae Paschali Laudes，內容以我地同瑪利亞瑪達肋納之間嘅對話，並將復活描述為死亡與生命嘅搏鬥，而基督確實係勝利的君王，已從死者中復活！ 附上巴黎聖母院嘅Victimae Paschali Laudes同Alleluia比大家：https://youtu.be/kIkMVNk9GpI 復活節讚歌 領：各位基督徒，請向逾越節羔羊，獻上讚頌之祭。 眾：羔羊贖回了羊群；聖潔無罪的基督，使罪人與天父和好。 領：生命與死亡展開奇妙的決鬥，生命的主宰，死而復活，永生永王。 眾：瑪利亞，請告訴我們，你在路上看見了什麼？ 領：我看見永生基督的墓穴和他復活的光榮、作證的天使、頭巾和殮布。 眾：基督、我的希望、已經復活，他要在你們之先到加里肋亞。 領：我們知道，基督確實從死者中復活。勝利的君王，求你垂憐我們。 眾：亞孟。亞肋路亞。 #catholic #churchsupplies #christusrex #christthekingsupplies #hongkongcatholic #macaucatholic #liturgy #sacredliturgy #easter #eastersunday #sequentia #victimaepaschalilaudes
Comments