繼上次為大家介紹人骨小堂，今次為大家介紹個新地方。
話說上次小編去葡萄牙一個叫Braga嘅城市嗰陣，原本諗住剩喺去著名嘅耶穌山，但發現附近仲有個朝聖地 Sanctuary of Our Lady of Sameiro，所以小編就去埋呢個朝聖地啦！
原來係1854年12月8日， 即係「聖母始胎無染原罪」被教會定為當信道理個時， Martinho da Silva 神父決定為此事建立聖堂奉獻俾聖母，而Braga就係葡萄牙第一個城市有聖堂奉獻俾無原罪聖母！教宗聖若望保祿二世係1982年5月15日都嚟過呢度朝聖，而家聖堂內亦有佢嘅聖髑！ 「聖母無玷始胎」係香港教區嘅主保，特別懇求聖母為香港教區轉禱，祈求香港將來有位持守正義、守護羊群嘅主教。 無原罪聖母，請為我們祈禱！
Comments