都好呼之慾出係邊個啦可？我哋今日講嘅係耶穌會會祖 － 聖依納爵羅耀拉。首先我哋向一眾耶穌會神長、修士修生、3間華仁、利瑪竇同海星眾師生、各個跟隨依納爵靈修精神嘅團體請安：願上主時常都同你哋同在。
教會今日紀念嘅呢位聖人聖依納爵羅耀拉好多人都應該會熟悉，所以佢嘅生平就唔多敘述，我哋今日focus聖人寫嗰本書度。神操 － 好多人都聽過，一聽到就會覺得好深好難理解但又唔肯定係點樣樣嘅一回事，繼而就唔會再接觸嚕。今日你哋好彩啦，遇著我哋介紹神操，即管睇埋今日呢個介紹，會唔會比到你初次戀上神操嘅感覺吖。
第一樣嘢我哋睇睇個名先。神操，唔容易理解到究竟係什麼來著，睇睇英文名 － the Spiritual Exercise，意為靈性上嘅練習，有啲idea冇？神操並唔係一本focus喺文學意義嘅書，而係一本exercise book or工具書，透過讀佢嚟到幫我哋喺靈性上有所長進、整頓人心、接近天主。 講完個名我哋講當初寫神操嘅背景係點樣樣。話說聖依納爵畀炮彈轟斷隻腳養傷期間覺悟咗之後決定要喺山窿度苦修祈禱，渡補贖嘅生活，頭髮、指甲嗰啲儀容完全係放棄自己，肉都淨係星期日先食。開頭嗰幾個月佢自我感覺好良好㗎，心境平靜、熱心反省、每日又念經又睇《師主篇》咁，之但係之後嗰兩三個月啲不安嘅情緒就開始出嚟啦，開始有誘惑、亂諗嘢、會掛住以前嗰啲「風光」生活、眼前所有嘢都好似好可怕咁、對未來冇曬希望。難捱嘅，嗰排黑暗到連佢自己都諗過要自殺。好不容易過咗呢一個階段，情況就開始漸入佳境啦。係呢一段佳境入面，聖人終於feel到光明，Feel到生命係有希望嘅，有個勁啲嘅term叫神慰【i.e.可以令到你同天主connect得更加好嘅，opposite to神枯，令你同天主嘅關係疏遠嘅】係呢個階段，佢開始打理返自己，執番靚仔自己，開始食返肉，唔再著埋啲爛布衫。對神操有認知嘅朋友應該開始sense到，方才嗰三個階段就係神操嘅雛型。咁講多少少啦，聖人用咗十個月去經歷上面講嘅生活，之後就去咗巴塞隆拿搭船去耶路撒冷，本身諗住喺耶路撒冷去幫助人靈嘅，不過當地嘅方濟會士就話驚佢衝動魯莽亂咁嚟，所以就將佢趕扯咗啦。 ok返返嚟，啱啱講嘅係神操嘅雛型，當然佢之後有再執過，加加減減啦，整理好之後就出版一路用到今時今日我哋所見到嘅神操啦！咁我哋而家到講內容啦喎。頭先都講過啦，神操基本上類似一本工具書，咁佢會寫晒啲guideline做啲乜嘢嘅。一個完整嘅神操要有神師帶領，會分4個禮拜嘅，每個禮拜會focus係唔同嘅題目上面嘅，下面大概比大家有個概念知道下神操起點就啦！ 一打開本神操我哋會見到凡例。凡例話俾你同埋帶神操嘅人知神操係點樣做、比啲guideline點樣去帶領做神操者，之後就進入第一個禮拜嘅內容。 第一個禮拜：反省、默觀罪過 － 反省自己思想、言語、行為上嘅過失，最後仲會默觀地獄 第二個禮拜：默觀基督嘅生活 － 由聖神降孕去到喺聖殿中尋獲耶穌，用埋五官去感受 第三個禮拜：默觀基督嘅苦難 － 成個苦難過程，開始再加埋節制飲食 第四個禮拜：默觀基督嘅復活 － 默觀耶穌顯現畀聖母，同埋關於點樣得到愛 以上只係好大路好概括咁比啲idea大家知道下神操會掂到啲咩範疇啫，畢竟一本含金量咁重嘅書真係好難係短短一個post都解釋晒，若果你發覺你對上面嘅介紹有興趣的話，我哋高度推介你撳下面條link入去思維靜院嘅網站了解下！ https://xavier.ignatian.net/html/tc/index.html 今次嘅篇幅雖然有啲長，希望大家嘅人靈會有所得益啦。最後，都比同大家分享下聖人成聖嘅轉捩點。 話說聖依納爵喺打仗時咪俾人轟斷咗隻腳嘅，佢畀人送咗返屋企先至發覺原來個傷口唔得，要劏返開個傷口攞返啲碎骨出嚟，但係呢個手術又搞到佢就死咁濟，要領埋臨終聖事嗰隻。嘩！領完佢就好返喎！不過搞到佢長短腳囉，聖人又唔喜歡喎，所以要做多次手術整整佢。之後呢，戲肉嚟喇，佢用咗好長時間去休養，喺呢段時間睇咗兩本書，一本講耶穌，一本講聖人。就係呢兩本書搞到聖依納爵變得從此不一樣！ #聖依納爵 #神操 #StIgnatiusLoyola #SpiritualExercise #SocietyofJesus #SJ #Jesuit #catholic #churchsupplies #christusrex #christthekingsupplies #hongkongcatholic #macaucatholic #liturgy
Comments